Saranggola Blog Awards

Wednesday, October 16, 2013

SBA 2013 EXTENDED

Maraming salamat po sa paglahok at pagbibigay interes sa ikalimang taon ng Saranggola Blog Awards.

Nais ko pong ipabatid na ang SBA 2013 ay extended ng limang (5) araw.
(tatanggap tayo hanggang October 20, 2013)

Ibig pong sabihin:

1. Maaari pa kayong magpadala ng entry/ies

2. Maaari nyo ring I edit, dagdagan o baguhin ang nauna na ninyong ipinadala, kailangan lang na I email sa akin ang anumang pagbabago na inyong gagawin. email : saranggolablogawards@gmail.com

3. Maaari nyo pang sabihan ang inyong mga kaibigan na interesado.

Gayundin narito ang ilang mga dapat tandaan:

1. Balikan ang inyong mga lahok at suriing mabuti kung nakasunod sa panuto

1.1 Nagpadala ba kayo ng application form?

1.2 Nagpadala ba kayo ng ID picture?

1.3 Naipadala ba ninyo ang inyong entry sa word format?

1.4 Nagpadala ba kayo ng facebook note / link ninyo kung sakaling ang inyong mga posts noon ay nasa facebook note at bago pa lang sa blog platform?

1.5 Nilagay nyo ba ang logo ng SBA at DMCI Homes o youtube video nito bilang sponsor?

1.6 Nakalink ba ang mga nasabing logo sa kani-kanilang website o di kaya ay inilagay ba ninyo ang link sa ibaba ng logo sakaling hindi nyo mailink ang logo?

1.7 Nacheck nyo ba sa blogsite (www.saranggolablogawards.com) ang inyong entry? Pakitingnan kung ito ay nailagay ko sa tamang kategorya o kung opisyal ngang nailagay na sa listahan. kung sakaling wala pa, pakiemail ako at baka nakaligtaan lang.

Bakit may extension?

Ang extension na ito ay upang bigyan ng pagkakataon ang mga nagbigay interes na hindi agad natugunan. Ipagpaumanhin sapagkat ang inyong lingkod ay madalas nasa byahe na kinailangan sa aking trabaho.

Bakit 5 araw lang?

Sapat na ito upang makahabol ang ilang nais humabol, gayundin bilang pagbibigay halaga sa bilang 5 (limang taon ng SBA)

* Ang extension na ito ay para lamang sa SBA 18 years old and above. Sapagkat walang sapat na bilang na lumahok (walang lumahok) sa 13 - 17 years old, hindi na muna natin itutuloy ang SBA jr. sa taong ito.

Muli maraming salamat sa pagtangkilik!

Sunday, September 1, 2013

2013 Saranggola Blog Awards

Limang Taon na Tayo!

“Paliparin ang isip, abutin ang langit; bigkisin ang mga salita’t pakawalan sa hangin gaya ng Saranggola!”

Sa taong ito, mas malawak ang liliparin ng Saranggola Blog Awards (SBA).
Bukod sa SBA na sinasalihan ng mga blogger na 18 taong gulang pataas, magkakaroon ng Saranggola Blog Awards Junior (SBAJr.) Ito ay bukas naman sa mga kabataang may edad na 13 - 17!

Ang Tema natin sa taong ito ay

"TAHANAN"

Kategorya para sa Saranggola Blog Awards 2013

(18 taong gulang pataas)

Kategorya

1. Maikling kwento

2. Kwentong pambata

3. Tula

4. Blog / Sanaysay

Petsa ng Patimpalak : Setyembre 1, 2013 – Oktubre 15, 2013

Kalahok

Filipino citizen, 18 years old pataas
nasa loob o labas ng Pilipinas
matagal na o baguhang blogger (blogspot, wordpress, self-host, tumblr, multiply, *facebook note o kahit anong social media)
Maaaring sumali kahit ang blog ay nasa wikang Ingles o anumang dayalekto.
Para sa mga baguhang blogger, kinakailangang may naipost na 3 blog sa taong ito bago ang Setyembre 1 2013.
Maaaring lumahok ang mga dati nang nagwagi sa patimpalak na ito.

Ang entry ay kailangang ilagay sa isang blog platform gaya ng wordpress at blogspot. Kung nasa facebook note ang entry, mangyaring ilipat ito sa nasabing platform. Ang pagsama sa Facebook Note sa listahan sa itaas ay para lamang sa mga nagtatanong kung pwede silang matawag na blogger kung facebook note ang gamit nila. Ang layunin natin ay mahikayat ang mga blogger na magsulat nang nasa wikang Filipino sa online platform kaya tinuturing nating ang facebook note ay isang basehan sa pagiging blogger subalit nais nating ipalipat ito sa ibang platform upang mas mabasa ng nakararami. Madalas kasi ay naka pribado ang "setting" ng mga gumagamit ng facebook kaya nahihirapan kami at ang hurado na basahin at siguruhing sumunod sa patakan ang kanilang entry

Kategorya

Pagsulat ng Tula

Gumawa ng isang tula na may temang Tahanan.
Maaaring may sukat, maaari ring malaya, kahit gaano kahaba.
Ipost bilang isang blog entry.
Ang pamagat ng tula ang syang magiging pamagat ng blog entry – kinakailangang isulat sa baba ng tula na ito ay inyong lahok sa Saranggola blog awards 5 at nakalink sa www.saranggolablogawards.com.